Follow by Email

Monday, 25 March 2013

Outydse tjalies en groentetuine

Lemondesucrette is 'n dame in Lebanon wat die mooiste hekelwerk doen.  Ek volg haar blog en op die nuutste het sy die mooiste tjalie patroon.  Boonop is die patroon in diagram vorm, waaroor ek dol is!

Onthou julle hoe ons oumas altyd tjalies gehekel het? Ek het die mooiste Lollipop wol in my kas en dit is net reg vir so 'n sagte tjalie.



Ek sou graag wou vertel hoe ek snoesig sit en hekel het daaraan, maar die wrede werklikheid is dat dit maar redelik warm raak met die hekelwerk op my skoot!  Nietemin, ek is mal oor die patroon en hoe dit vorder.

Op 'n vorige wol inkopietog het ek hierdie Lotus hekelgaring raakgeloop.  Dit het 'n redelike "tou" tekstuur en is ideaal vir plekmatjies.  Ek het 55 ks gemaak, en gevolg met een ry kb, en een ry lb.  Hierdie twee patroonrye het ek 17 keer herhaal en geeindig met 'n ry kb.  Sommer vinnig en maklik en dit lyk baie mooi.







Die naweek het ek ook 'n groentetuin begin, iets wat ek al baie lank dreig om te doen.  Ek het klein begin, sommer in houers, en sal afhangend van die vordering defnitief uitbrei.



Die idee is om dit organies te doen, en genoeg groente te kweek vir eie gebruik. (hoe slim klink ek nou?). Dit was al die bedrywigheid in my naweek.  Ek hoop julle het 'n heerlike en geseënde week, en indien julle reis in die paastyd, doen dit asb versigtig en kom veilig terug.

Tot volgende keer!

E


2 comments:

  1. Wow, you are so productive.
    I love the placemats...giggled at the pretty cutlery...

    ReplyDelete
  2. Yes, that's the infamous cutlery - isnt it pretty? :)

    ReplyDelete