Wednesday 25 January 2012

Om tog net orde te skep!

Ek en 'n vriendin gesels nou een middag oor hoe maklik ons tydskrifte koop as die voorblad iets sê soos: "101 manier om jou kaste te sorteer", of "50 maniere om orde te skep in jou huis", of "55 idees om pakplek te organiseer". Kyk, dan het jy my, soos die Engelse sê 'hook, line and sinker. Ek koop onmiddelik daai tydskrif en is oortuig dat hulle my hierdie keer idees gaan gee oor hoe om daai hoekies wat so ophoop met 'n towerstaf te laat verdwyn.

Vanoggend is ek bitter vroeg op, en toe ek weereens so kyk na die plastiek kratte met die wol, neem 'n vreeslike inspirasie van my besit en ek spring in. Hierdie hangkaste was deel van my ma se eerste kamerstel wat my pa amper 52 jaar terug vir haar gekoop het. My ma het dit vir my gegee toe ek 'n paar jaar terug huis gebou het, en dit staan in my spaarkamer. Wel, vanoggend het ek dit binne 'n japtrap omskep in 'n hekelkas! Ek het die hangrakkies gekoop by game, maar het bietjie die hoeveelheid wol onderskat, so ek sal nog een moet by koop. Gelukkig is daar genoeg plek. My hekelboeke en patrone is in 'n houer wat eintlik gemaak is om handsakke te stoor, en in die plastiek kratte hou ek die dunner hekelgare en al die blokkies wat ek al gehekel het net om 'n patroon uit te toets. Nou droom ek drome daarvan om die kas aan die binnekant te verf, dalk in sulke outydse dowwe strepe sodat dit lekker lig is.




Die kussing wat ek vir my seun gehekel het is ook klaar! Ek stuur vir hom net die sloop, want hy is in Kaapstad, en dis makliker vir hom om daar die kussing te kry om in te sit. Anders gaan dit 'n groot pakkie wees!

So lyk die voorkant:



en agter:



Ek het met die blokkies van die babakombers begin, en dis nogal vreemd om met sulke dun wol te werk. Dit haak baie maklik en mens moet versigtig wees om die steke mooi te hou sodat die wol nie 'split' nie. Ek is nog nie heeltemal seker oor hoe dit gaan lyk nie, want terwyl ek hekel verander ek maar gereeld van plan oor presies wat ek gaan doen! Intussen het ek darem al 10 van die liggeel gedoen, en sal nou besluit hoe ek verder gaan maak.




Geniet julle week, dis al amper naweek!



Tuesday 24 January 2012

One a day project

I just read about the one-a-day project on Gingerbread Lady's blog and of course I have to join in this exciting 'undertaking'

I'm quoting from Gingerbread Lady to tell you what this is about:


"The original idea of the One a Day Project was to pick a larger project and work just one element of it everyday until it's finished. There was such a lot of interest in the idea of 'One a Day' that I started a Ravelry group which you can find here. I'm loving that because it's not a tradition KAL/CAL people are using the group to work on all kinds of projects and it's so much fun seeing what everyone is choosing to use the group for. I'm really delighted that we have 220 members is just over a week too. Please come and join in if you haven't already!l"

So i will be doing this and taking part in Tuesday Tallie.

Let's hope I get all this right and understand all the 'lingo' of linking !

Monday 9 January 2012

Nuwe jaar, nuwe projekte!


Voorspoedige nuwe jaar aan al my vriende! Mag hierdie jaar vir elkeen baie goeie dinge inhou.

Ek begin hierdie jaar met 'n baie opwindende hekel projek. 'n Baba kombers! En nee, dis nog nie vir my eie kleinkind nie, maar dis vir baie goeie vriende en ek voel so opgewonde soos 'n ouma. Ek het die wol gaan koop en wil sommer vandag nog begin. Ek het dadelik gaan google en die oulikste idees gesien. Ek sal heel waarskynlik maar by 'n weergawe van die 'granny square' hou want dit bly seker die lekkerste patroon om te hekel, en dis altyd mooi. Maar ek oorweeg nietemin my opsies.

Einde verlede jaar het my seun 'n foto van 'n kussing gestuur en gevra of ek asb een vir hom kan maak. Dis vir my so lekker om te weet my kinders

hou van wat ek doen. Ek het dadelik gaan wol kry en begin. Intussen het ek besluit om nie die gewone 45 x 45 kussingtjie te maak nie maar n effe groter een. Die voorkant is klaar, nou besig met die agterkant, voordat ek dit kan pos.

Vanoggend het ons wakker geword met reen, reen en nogmaals reen! Dis heerlik, maar nou wens ek heeltyd ek kon by die huis wees sodat ek kon hekel. My swembad het al begin oorloop en steeds reën dit. Ai, ek is baie baie dankbaar hiervoor



Een van my voornemens is om meer gereeld te blog, dus gaan julle my meer gereeld raaklees!

Op 'n opwindende jaar vol hekel verrassings!